„Мајка“ е насловен новиот албум на дуото „Некст тајм“, што го сочинуваат близнаците Мартин и Стефан Филиповски, а премиерно беше претставен вчеравечер.
Како и секогаш, кога се во прашање „Некст тајм“ настанот предизвика огромен интерес, па голем број нивни обожаватели, пријатели, колеги, претставници на медиумите дојдоа да бидат дел од промоцијата.
![](https://www.novamakedonija.com.mk/wp-content/uploads/2022/06/promocija-majka-album--696x490.jpg)
-Албумот „Мајка“ и го посветуваме на нашата и на сите мајаки во светот, но пред се на нашата единствена – мајка Македонија – порачаа момците од „Некст тајм“.
Се одржа мини-концерт на кој во живо слушнавме дел од песните што изминатите десетина години со атрактивни спотови ги претставуваа Мартин и Стефан. Албумот се изработуваше долг период под палка на познатиот македонски композитор и музичар Никола Мицевски, кој исто така беше дел од концертот . Тој на познати македонски народни, револуционерни песни им даде ново руво, што допре до младата публика во земјава. Доказ затоа беше пеењето заедно со Стефан вчеравечер и бурните аплаузи во такот на музиката.
Материјалот е снимен и мастеризиран во студио „Момировски“, а спотовите, фистински филмови, ги режираше Огнен Шапковски. Голем придонес во реализацијата има и Мартин Филиповски.
![](https://www.novamakedonija.com.mk/wp-content/uploads/2022/06/stefan-i-filip-i-nivnata-majka-na-promocijata--696x669.jpg)
На албумот има девет композиции и нова верзија за песната „Ја излези Ѓурѓо”, како бонус, каде Стефан пее во дует со популарниот Влатко Лозаноски – Лозано. Со голема поддршка од публиката песната синоќа ја слушнавме двапати, односно вотриот пат „а капела“.
Еден од поемотивните моменти бееш кога браќата ја викнаа и својата мајка на сцената и се фотографираа со неа. Кога прозвучи песната „Да те питам бабо…“, една баба со бела коса на моците им подари цвеќиња. Имаше и македонски знамиња во публиката, која особено емотивно реагираше кога се пееше песнта посвтена на Јане Сандански – „Кога падна на Пирина“.
![](https://www.novamakedonija.com.mk/wp-content/uploads/2022/06/stefan-i-lozano-ja-izvedoa-pesnata-ja-izlezi-gjurgjo--696x696.jpg)
Во наредниот периодс „Некст тајм“ најавуваат нов материјал, многу поразличен од се што правеле досега.