Квалитетниот сон е една од најдобрите работи што можете да ги направите за вашето здравје. Ако спиете помалку од шест часа навечер, ќе наидете на неколку здравствени проблеми.
– Недостигот од сон предизвикува зголемена активност на симпатичкиот нервен систем, што доведува до зголемен пулс, вазоконстрикција (стеснување на крвните садови) и зголемен крвен притисок. Исто така го зголемува ризикот од развој на хипертензија, како и кардиоваскуларни болести, како што се мозочен удар, срцеви заболувања и миокарден инфаркт – вели доктор Тарин Фернандес за списанието „Бест лајв онлајн“.
Треба да спиете од седум до девет часа секоја вечер за да ја одржите хормоналната рамнотежа. Недостигот од сон може да го попречи нормалното производство на хормони, како што се кортизол и инсулин.
Кардиологот Ригвед Тадвалкар нагласува дека хормонската дисрегулација предизвикува дебелина. Покрај тоа, недостигот од сон е поврзан со анксиозност, депресија и други нарушувања на расположението. Во посериозни случаи може да се појави подложност на нарушувања како што се биполарност и шизофренија.
Фернандес додава дека производството на цитокини, протеини што помагаат во борбата против инфекции, воспаленија и стрес, може да се намали. Ако доаѓа од тоа, вашиот имунолошки систем значително ќе ослаби. Спиењето е неопходно за нормално функционирање на мозокот. Во спротивно, работата на лимфниот систем, кој ја филтрира цереброспиналната течност, може да биде нарушена и да се зголеми ризикот од развој на деменција.
