Рускиот претседател Владимир Путин предупреди дека оние што се на „патот на предавството“ или вооружениот бунт ќе бидат „казнети“ откако шефот на паравоената група „Вагнер“ рече дека неговите војници ја презеле контролата врз воените објекти во два руски града, со што земјата е втурната во криза, пренесе Си-ен-ен.
– Ова е еднакво на вооружен бунт, Русија ќе се брани – рече на почетокот Путин и додаде дека Русија се бори за животот и безбедноста на граѓаните на Федерацијата.
– Секој конфликт мора да се отфрли за време на специјална воена операција. Ова е обид да не нападнат одвнатре, ова е предавство – рече Путин, .
Путин рече дека Русија води тешка битка за иднината и дека целата „воена и информатичка технологија на Западот е против Русија“.
– Како граѓанин на Русија ќе направам се за да ја одбранам земјата, ќе бидат преземени решителни дејствија. Секој бунт е смртоносна закана, нашиот одговор ќе биде суров – порача Путин.
Путин додаде дека во овој момент им треба единство, консолидација и одговорност.
– Оние кои намерно тргнаа по патот на предавството, подготвувајќи вооружен бунт додека вие подготвувавте терористички напади, ќе бидат казнети – рече Путин.
Рускиот претседател рече дека секое внатрешно превирање е смртна закана за нашата државност за нас како нација; тоа е удар за Русија за нашиот народ и нашите акции за заштита на нашата татковина. Таквата закана ќе биде проследена со силен одговор“.
Властите во и околината на Москва соопштија дека прогласиле вонредна антитерористичка состојба во позадина на вооружениот бунт на рускиот водач на платеници Евгениј Пригожин.
– Со цел да се спречат можни терористички напади во градот и во московската област, воспоставен е режим на антитерористички операции – соопшти Националниот антитерористички комитет на Русија.
