Кинеските астронаути од вселенското летало Шенжу-15 денеска безбедно се вратија на Земјата, по мисијата на кинеската орбитирачка вселенска станица која траеше повеќе од 180 дена, објави Чајна Медиа Груп (ЧМГ).
Капсулата за повторно влегување паднала во Донгфенг во северниот кинески автономен регион Внатрешна Монголија. Во капсулата биле тројца астронаути – Феи Јунлонг, Денг Кингминг и Џанг Лу.
Мисијата на Шенжу-15 е прогласена за целосна успешна, откако лекарскиот тим кој чекаше на местото на настанот потврди дека тројцата астронаути се во добра здравствена состојба.
Командантот на мисијата Феи Џунлонг беше првиот што излезе од капсулата.
-Би сакал да известам на мојата земја и народ дека екипажот на Шенжу-15 успешно ги заврши сите доверени работни места и задачи во орбитата. Се вративме безбедно на Земјата. Се чувствуваме добро – рече тој.
