Градскиот парк во Скопје беше исполнет со музика, емоции и врвна уметност на спектакуларниот концерт на монументалното дело „Кармина Бурана“ од Карл Орф. Настанот собра огромен број посетители и преку моќта на класичната музика ги поврза Скопје, Софија и Солун во една заедничка културна сцена.
Овој исклучителен проект претставуваше пример за успешна регионална соработка, во која учествуваа три оркестри, три хора и повеќе од 200 музичари од Македонија, Бугарија и Грција. Заедничките сили на ансамблите од трите земји создадоа вечер исполнета со енергија, страст и уметничка хармонија.
Изведбата на „Кармина Бурана“, едно од најпознатите дела на класичната музика, донесе моќен спој на оркестарски звуци, хорски изведби и впечатливи вокални партии. Секој момент од концертот предизвикуваше силни реакции кај публиката, која со долги аплаузи ја награди работата на сите учесници.
