Планинар починал во близина на месноста „Ловечка куќа“ на планината Пелистер. Според првичните сознанија, како што информира Центарот за управување со кризи (ЦУК), се работи за повозрасно лице од Скопје со иницијали А.С.
Од ЦУК информираат дека е известена Дирекцијата за заштита и спасување од Битола која има тим за интервенции во планински услови за телото на починатиот да се транспортира до локација каде може да дојде возило на Итна медицинска помош бидејќи планинарот е најден на околу 2.000 метри надморска височина.
За подобра координација, од ЦУК е направен контакт меѓу дежурните лица во СВР Битола и ДЗС Битола. Екипа на МВР треба да изврши увид.
