Со оглед на тоа дека 2024 е на прагот, туристичките списанија ги истакнуваат препораките за патувања во наредната година, па, така, „Нешнл џиографик“ неодамна објави листа на најинтересни дестинации за 2024 година.
На листата се наоѓаат 30 дестинации низ светот, од албанските Алпи до шумите на Андрефана на Мадагаскар. Европа доминира речиси на половина од листата, со 13 дестинации, вклучувајќи ги главниот град на Малта, Валета, и Помпеја во Италија.
Според листата, првото место го заземаат албанските Алпи или Проклетие – планински масив во северна Албанија и источна Црна Гора.
Познато доста застрашувачки како Проколнати Планини, ова царство на назабени карстни врвови е планинарски сон, каде што рисовите талкаат по шумите од смрека, а дивите цвеќиња ги покриваат долините, пишува „Нешнл џиографик“.
Втор на листата е Белфаст, а тие наведуваат дека овој град во Северна Ирска доживеал зголемување на бројот на посетители во текот на 2010-тите, делумно привлечени од новиот музеј „Титаник експиријанс“.
На трето место е регионот Емилија-Ромања во Италија, потоа следуваат Галовеј и Јужен Ершир во Шкотска, Нурлан во Норвешка, како и северен Јоркшир во Англија.
Мексиканскиот полуостров Јукатан е уште една дестинација истакната како една од највозбудливите за патување следната година, и не е изненадување, со оглед на тоа што Мерида, најголемиот град во земјата, исто така се најде на листата на трендовски дестинации според „Букинг“.
Други дестинации се Сиким во Индија, кој може да се пофали со прекрасен поглед на Хималаите, и Викторија во Австралија, благодарение на новото патување, кое ги посетува термалните топли извори во областа.
Највозбудливи дестинации во Европа според „Нешнл џиографик“ се:
Албански Алпи, Албанија
Белфаст, Северна Ирска
Емилија-Ромања, Италија
Галовеј и Јужен Ершир, Шкотска
Нурлан, Норвешка
Северен Јоркшир, Англија
Помпеја, Италија
Сајма, Финска
Тарту, Естонија
Валета, Малта
Велс
Дивиот Атлантски пат, Ирска
