Кремљ соопшти дека потенцијалниот разговор меѓу турскиот претседател Реџеп Таип Ердоган и неговиот руски колега Владимир Путин нема да помогне во продолжувањето на договорот за извоз на украинско жито.
-Русија додаде дека нема ништо ново за известување по дводневните разговори во Истанбул за можното продолжување на „жито договорот“. Само целосното спроведување на договорот ќе го олесни неговото обновување – изјави портпаролот на Кремљ, Дмитриј Песков.
Страните во моментов остануваат без нов договор за извоз на жито од украинските пристаништа на Црното Море.
Русија претстави список со барања во врска со извозот на сопствените земјоделски производи пред да се согласи за продолжување на договорот, а украинската страна побара продолжување на условите на договорот и подолг период на неговото продолжување.
Претходно денеска турскиот министер за национална одбрана Хулуси Акар изјави дека четирите страни на состанокот, Украина, Русија, Турција и Обединетите нации, се блиску до договор за продолжување на договорот, кој истекува на 18 мај. Првичните резултати покажаа дека средбата поминала добро, а турскиот министер за надворешни работи Мевлут Чавушоглу рече дека верува оти договорот може да биде продолжен за уште најмалку два месеци. Договорот веќе двапати беше продолжен, во ноември минатата година и во март.
