Ако вашите први асоцијации за труење со храна се намирници како месо, јајца и млечни производи, ќе бидете изненадени од ова истражување. Новата студија на „Консјумер репортс“ откри со која храна треба да бидете повнимателни.
Поточно, „Консјумер репортс“ следеше повлекување и појава на широко консумирана храна помеѓу 2017 и 2022 година, фокусирајќи се на таканаречената бактериска контаминација.
Така, тие откриле дека лиснатиот зеленчук е одговорен за најголем број смртни случаи. Според нивните согледувања, во периодот од 2017 до 2022 година, лиснатиот зеленчук предизвикал 614 болести. Најверојатната причина за повлекување на лиснатиот зеленчук е контаминацијата со ешерихија коли и листерија.
Тие потврдија дека водата што се користи за наводнување на нивите е загадена со ѓубриво. Ова е причината зошто лиснатиот зеленчук може да биде контаминиран со салмонела или листерија во погоните за преработка на храна.
Покрај лиснатиот зеленчук, се наведува листа на намирници на кои луѓето треба да внимаваат, а тоа се: сирење, сувомесни производи, мелено говедско месо, кромид, мисиркино, пилешко, папаја, праски, дињи и брашно.
