Истражувањата покажуваат дека постои еден вид пијалак од кој може да остарите многу побрзо, а ако се откажете од него, можете да си помогнете да го забавите предвременото стареење.
Не само што пиењето газирани пијалаци носи поголем ризик од зголемување на телесната тежина и одредени болести туку истражувањата покажуваат дека тие дури можат да влијаат на телото на клеточно ниво. Сето ова придонесува за нездраво, побрзо стареење, пренесува „Ит дит нот дет“.
– Редовното консумирање газирани сокови засладени со шеќер може да ве изложи на ризик од разни болести како што се дебелина, срцеви заболувања, дијабетес тип 2 и многу повеќе. А бидејќи ризикот од овие болести се зголемува како што старееме, консумирањето премногу шеќер сигурно не помага – вели докторката Ејми Гудсон.
Според вишата авторка на студијата, Елиса Епел, која е професорка по психијатрија на Универзитетот во Калифорнија, Сан Франциско, редовното консумирање засладени газирани пијалаци може да влијае на развојот на болеста, не само со напрегање на метаболичката контрола на телото на шеќерот туку и преку забрзано клеточно стареење на ткивата.
– Ова е прва демонстрација дека содата е поврзана со пократки теломери (краеви на хромозомите, кои се скратуваат за време на клеточната делба). Овој резултат се одржува без оглед на возраста, расата, приходот и нивото на образование. Скратувањето на теломерите започнува многу пред почетокот на болеста – заклучи таа.
