Размислувања на американскиот претседател по повод податоците за инфлацијата во САД
ААмериканскиот претседател Доналд Трамп ги коментираше податоците што покажуваат дека инфлацијата во САД се зголемила за повеќе од четири отсто, повторувајќи го своето верување дека цените ќе паднат штом ќе заврши војната со Иран, пренесува „Ројтерс“. Податоците на американската влада покажуваат дека потрошувачката инфлација во мај се зголемила со најбрзо темпо во изминатите три години.
– Кога ќе заврши војната, ќе видите како нафтата паѓа на местото каде што беше порано – рече Трамп.
Трамп ја претстави војната против Иран како прашање од национална безбедност, бидејќи затворањето на клучниот превознички пат низ Ормускиот Теснец од страна на Техеран влијаеше за зголемување на цените на горивото, ѓубривата и другите стоки, придонесувајќи за инфлацијата. Американскиот претседател објасни дека дал зелено светло за план за тајно движење на танкери за нафта низ Ормускиот Теснец поради загриженост за повисоки трошоци и зголемување на инфлацијата.
Трамп победи на претседателските избори во 2024 година во голема мера поради неговото ветување за намалување на инфлацијата, но оттогаш неговиот рејтинг на одобрување, вклучувајќи го и за справувањето со трошоците за живот, падна на најниското ниво во неговата политичка кариера.
Напорите за повторно отворање на Ормускиот Теснец за сообраќај на танкери за транспорт на стоки досега се во застој, а раководителите на индустријата и аналитичарите предупредуваат дека во наредните недели би можел да се случи уште еден шок на цената на нафтата, доволно силен за да ги потресе пошироките финансиски пазари. Дури и ако САД и Техеран наскоро постигнат договор, се очекува да бидат потребни месеци за да се движат резервите, со прекини што се очекуваат во текот на годинава. Р.С.
