Научникот Френк Хугербитс од Харлем во Холандија на 3 февруари годинава во 13.03 часот на својот „Твитер“ објавил дека Турција, односно нејзиниот југоцентрален дел во близина на Сирија, Јордан и Либан, како што напиша, „порано или подоцна“ ќе биде погоден од земјотрес со јачина од 7,5 степени.
Она што го предвиде, за жал, се оствари, а тој дел од Турција го погодија страшни земјотреси, при што, според досегашните информации, загинаа над 1.000 луѓе.
Sooner or later there will be a ~M 7.5 #earthquake in this region (South-Central Turkey, Jordan, Syria, Lebanon). #deprem pic.twitter.com/6CcSnjJmCV
— Frank Hoogerbeets (@hogrbe) February 3, 2023
По земјотресот утринава во областа, многумина почнаа да ја споделуваат оваа објава како доказ дека земјотресите може да се предвидат.
Но, според експертите, тоа, едноставно, е прашање на случајност.
Научниците сè уште немаат никакви методи или уреди за да ги утврдат точното време и јачината на земјотресот.
Некои сеизмолози тврдат дека не е тешко да се погоди оти ваков разорен земјотрес ќе се случи на југот на Турција бидејќи тоа е тектонски многу активна област во која и во минатото имало разорни земјотреси.
