Заменик-министерот за надворешни работи на владата на проиранското движење Хути, Хусеин ел-Ези, предупреди дека групата би можела да ја затвори Баб ел-Мандеб доколку Доналд Трамп продолжи, како што наведе, со политики што го нарушуваат мирот.
Во објава на социјалните мрежи, Ел-Ези порача дека евентуалното затворање на теснецот би имало сериозни последици.
– Ако одлучиме да го затвориме Баб ел-Мандеб, целото човештво ќе биде немоќно да го отвори – напиша тој, пренесува „Ал Џезира“.
Тој повика САД да ги прекинат, како што ги нарече, активностите што го попречуваат мирот и да покажат поголемо почитување кон Јемен.
Баб ел-Мандеб е стратешки важен морски премин што ги поврзува Црвеното Море и Аденскиот Залив, и претставува клучна рута за глобалната трговија, особено за бродовите што се движат кон Суецкиот канал.
