Американскиот претседател Џо Бајден денеска потпиша новиот пакет воена помош од 95 милијарди долари за Украина, Израел, Тајван и другите сојузници на САД, нагласувајќи дека Вашингтон ќе започне да испраќа нова помош за Киев за неколку часа.
– Штотуку го потпишав пакетот за национална безбедност што беше усвоен од Претставничкиот дом овој викенд, а вчера од Сенатот – рече Бајден.
Тој додаде дека ќе се „погрижи испораките да започнат веднаш, во следните неколку часа”, јавија американските медиуми.
– Ова е голем ден за светскиот мир. Овој закон ќе ги направи Америка и светот побезбедни – рече американскиот претседател по потпишувањето на законот и додаде дека „Украина е способна да победи“.
