Домување
Деловите од просториите што ги запоставуваме при чистењето на крајот стануваат почва за бактерии и габи, а следниот пат кога темелно ќе го исчистите домот, сигурно ќе се сетите на нив. Издвојуваме пет предмети во домот на кои треба да обрнете посебно внимание.
Гумата во внатрешноста на машината за перење: ако машината за перење не се чисти редовно, мувлата е неизбежна. Мувлата брзо расте на влажни места, особено ако не ја оставите вратата отворена за да излегува воздух откако ќе ја извадите влажната облека.
Машина за кафе: ако не се чисти правилно и редовно машината за кафе, наскоро ќе стане почва за мувла и бактерии што се формираат во резервоарите за вода.
Далечински управувач: дури и ако сте многу ориентирани кон деталите при чистењето, веројатно сте заборавиле да го исчистите далечинскиот управувач. Се вели дека далечинскиот управувач е 20 пати повалкан од штицата на тоалетната шолја.
Кујнски сунѓер: сунѓерите се исклучително валкани и концентрацијата на бактерии во нив е најголема, што има смисла ако се земе предвид дека се постојано влажни. Ако не го менувате редовно кујнскиот сунѓер, почнете.
Чаша за четки за заби: стоматолозите велат дека четките треба да се менуваат најмалку на секои три месеци, но потребно е и редовно да се чистат држачите или чашките за четки за заби. Можете да ја ставите и во машина за миење садови, па така сите бактерии ќе исчезнат!
