Србија денеска го доби новиот состав на Народното собрание.
Пред зградата на Собранието дојде до немири и инцидент кога пратениците излегоа надвор поради пауза. Насобрани демонстранти фрлаа со јајца и домати врз зградата на Надродното собрание кога видоа дека пратениците излегуваат.
Monah Antonije gadja skupstinu jajima pic.twitter.com/Slodl6V4az
— Maja Vukas (@M2aja) August 3, 2020
Полицијата се обиде да го казни лидерот на движењето „Доста беше“ (ДЈБ), Саша Радуловиќ, бидејќи е блокиран сообраќајот пред Парламентот поради протестот организиан од ДЈБ. Но, Радуловиќ не е казнет бидејќи демонстрантите се упатија кон заштитната ограда поставена пред Парламентот.
Еден демонстрант е приведен откако скандирааше „Вучиќу шиптару ќе платиш за предавството“ и „Не го даваме Косово“.
Во Собранието на Србија денеска се одржува конститутивната седница. Вратите на Парламентот се затворени, а пратениците не ја напуштаат зградата.
Српското опозициско движење Доста беше (ДЈБ) синоќа одржа протест пред Парламентот и најави дека денеска ќе го блокира Собранието за да не се одржи конститутивната седница, бидејќи изборите се фалсификувани.
