Зголемените температури предизвикани од климатските промени предизвикуваат растенијата во Велика Британија да цветаат речиси еден месец порано, во споредба со повеќе од два века до средината на 1980-тите години, што потенцијално претставува ризик за дивиот свет, велат научниците.
Истражувачите предводени од Улф Буентген, професор по географија на универзитетот „Кембриџ“, анализирале повеќе од 419.000 документи за датумите на првото цветање на 406 растителни видови помеѓу 1753 и 2019 година и ги споредиле со историски рекордни температури, кои покажуваат потопла клима, пренесува „Ројтерс“.
Најголема промена, односно рано цветање од дури 32 дена, е регистрирана кај растенијата што имаат високо ниво на генетска адаптација, што е промена за која Буентген вели дека е огромна.
– Раното цветање може да го зголеми ризикот од оштетување од мраз, но и да ги загрози инсектите, птиците и другите диви животни што зависат од цветањето на одредени растенија во одредени периоди од сезоната на растење – тврди Буентген.
