Академијата за филмски уметности и науки ќе бара од присутните, на 94. церемонија на доделувањето на „оскарите“ во март, да покажат доказ за вакцинација против ковид-19 и најмалку два негативни ПЦР-теста, објави „Ројтерс“, цитирајќи извор запознаен со плановите.
Изведувачите и презентерите на највисоките почести во филмската индустрија, исто така, мора да направат ПЦР-тест, но нема да треба да покажат доказ за вакцинација.
Барањата за покривање на лицето ќе се разликуваат на настанот на 27 март во театарот „Долби“ во Холивуд, според изворот.
Номинираните и нивните гости во долните делови на театарот нема да мора да носат маски. Тие ќе седат со поголемо растојание од вообичаеното. Во „Долби“ ќе бидат поканети 2.500 луѓе.
Од оние што ќе седат во мезанинот може да се бара да носат маски бидејќи ќе седат еден до друг.
