Во 2022 година, 8,3 отсто од населението на Европската Унија (ЕУ) не можеа да си дозволат оброк што содржи месо, риба или еквивалент на вегетаријанска храна секој втор ден, што е за еден процентен поен повеќе во споредба со 2021 година (7,3 отсто). Згора на тоа, имајќи ги предвид луѓето во ризик од сиромаштија, во 2022 година уделот на ниво на ЕУ беше 19,7 отсто или 2,2 процентни поени повеќе отколку во 2021 година (17,5 отсто).
Во 2022 година, разликата помеѓу вкупното население и населението во ризик од сиромаштија во однос на капацитетот да си дозволи соодветен оброк беше видлива и низ земјите на ЕУ. Најголем удел на луѓе изложени на ризик од сиромаштија што не можат да си дозволат соодветен оброк беше забележан во Бугарија (44,6 отсто), потоа во Романија (43,0 отсто) и Словачка (40,5 отсто). Од друга страна, најнискиот удел беше забележан во Ирска (5,0 отсто), по што следуваат Луксембург (5,1 отсто) и Кипар (5,6 отсто).
