Најголемите држави во светот испуштаат најмногу јаглерод диоксид вкупно, но земјите од Арапскиот Полуостров се пред речиси сите други кога станува збор за јаглеродните емисии по жител. Според податоците објавени од проектот за светски јаглеродни емисии, Катарците, иако се малку на број, се најголеми загадувачи по жител, а потоа зад нив се Кувајт на третото и Саудиска Арабија на четвртото место. Инфографикот не зема предвид држави со помалку од два милиони жители, но ако и тие се вклучени, тогаш Бахреинците ќе влезат во првите десет.
Монголија, која во голема мера зависи од јагленот, се најде на второто место, а Австралијците, Американците и Канаѓаните (на деветто место) се најголемите загадувачи во западниот свет. Што се однесува до регионот на Персискиот Залив, евтината достапност на нафта ги зголемува нивоата на загадување со јаглерод диоксид по жител, а во случајот на развиените западни земји, потпирањето на автомобилите како превозно средство и користењето на јагленот за производство на струја ги зголемува емисиите.
Испуштањето јаглерод диоксид во воздухот е една од главните причини за глобалното затоплување. Концентрацијата на овој гас во атмосферата остана релативно стабилна пред индустриската револуција на околу 200 честички на милион. Од 19 век, па наваму, нивната густина брзо се зголеми и неодамна достигна 419 честички на милион.
