Тренерот на Рома, Еузебио Ди Франческо, ќе ја задржи функцијата, барем до дуелот со Милан, објавија италијанските медиуми.
По вчерашниот дебакл во Фиренца каде „римската волчица“ загуби со 7:1, се шпекулираше со разрешување на Ди Франческо.
Сепак, раководството на Рома одлучило на тренерот да му се даде уште една шанса, а тоа е неделниот натпревар со Милан во Серија А. Доколку и на тој дуел римјаните загубат, тогаш Ди Франческо ќе биде отпуштен, пренесуваат медиумите на Апенинскиот Полуостров.
Предводникот на Рома по вчерашната катастрофата им се извини на навивачите и порача дека нема намера да поднесе оставка.
