Домување
Сите понекогаш грешиме кога переме алишта и на еден или друг начин ги валкаме белите алишта или ја уништуваме омилената маица. За да не се случи тоа, прочитајте внимателно и потоа применете ги овие совети, бидејќи постои скриен правилник за перење алишта.
Костими за капење: Иако се направени да траат во вода, никогаш не ставајте ги во машина за перење. Машинското перење може да ги оштети корпите и поставата во нив, па затоа се препорачува да се перат рачно, по можност по враќањето од плажа или базен.
Кожени патики и јакни: Некои делови од кожените патики се споени со лепило, па водата и топлината може значително да ги оштетат, искинат или стуткаат. Меѓутоа, доколку имате платнени патики, можете без страв да ги исперете на овој начин.
Облека од волна, кашмир или кадифе: Секогаш читајте внимателно што пишува на етикетата. Ретки се предметите од волна и кашмир што можат да се перат во машина доколку нема програма за тоа. Повеќето треба да се третираат нежно, односно да се перат на рака.
Градник: Се препорачува секогаш да го перете рачно, со благ детергент или шампон за бебиња. Наполнете леѓен со ладна вода и ставете ги градниците во него. По 20 минути, исплакнете ги и оставете ги некаде добро да се исушат.
