Директорот на Царинската управа, Бобан Николовски, соопшти дека од почетокот на годинава се откриени 12 случаи на шверц на повеќе од 27.000 парчиња лекови и медицинска опрема, оценувајќи дека со тоа Царината има клучна улога во заштитата на здравјето на граѓаните, пренесе МИА.
-Само годинава откриени се 12 случаи на шверц со над 27.000 парчиња лекови и медицинска опрема. Ова покажува дека улогата на Царината не е само собирање приходи, туку и директна заштита на здравјето и безбедноста на македонските граѓани – напиша Николовски на социјалните мрежи.
Тој нагласи дека запленетите лекови не претставуваат само спречен обид за нелегална трговија, туку и директна заштита на здравјето на граѓаните.
-Запленетите лекови не се само спречен шверц, туку и заштита на здравјето на граѓаните – порача Николовски.
