На предлог на Министерството за економија, Владата на денешната седница донесе одлука за проширување на листата на производи за кои ќе важат цените кои се применувале на 1 декември годинава во трговијата на мало и на големо, соопшти преку Фејсбук министерот за економија, Крешник Бектеши.
Според Бектеши листата се проширува со три нови основни прехранбени производи – ориз, јајца и тестенини и има за цел да да се превенираат евентуалните поскапувања на овие основни производи, кои исто како и другите основни прехранбени производи масовно се користат во исхраната на населението.
Вели дека се исклучени цените на привремените попусти кои важеле на 1 декември годинава. Оваа одлука ќе важи до 31 јануари в година.
