Претседателката на српскиот Парламент, Ана Брнабиќ, денес, по преземањето на должноста вршител на должноста претседател на Републиката, изјави дека е почестена што ја презела должноста од Александар Вучиќ и нагласи дека Србија никогаш повеќе нема да има претседател кој бил толку посветен во борбата за заштита и зачувување на Србија, објави Танјуг.
Откако ја презеде должноста претседател на Републиката, Брнабиќ му се заблагодари на Вучиќ за неговата борба за Србија.
– Мислам дека Србија никогаш повеќе нема да има претседател кој се борел толку напорно, кој жртвувал толку многу и оставил сè друго настрана заради Србија. Чест ми е што ја примам оваа должност од таков човек и што можам да ја чувам оваа позиција додека народот не избере кој ќе биде следниот претседател на Република Србија – рече Брнабиќ во Претседателството на Србија.
