Многу луѓе тешко ја поднесуваат жештината. Температурата на воздухот не е клучна – комбинацијата на топлина и висока влажност може да биде многу поопасна. Научниците предупредуваат дека човечкото тело има граница на издржливост, а многумина се загрозени и пред да се достигне критичниот праг.
Топлотните бранови го зголемуваат ризикот од проблеми со срцето, бубрезите и други здравствени проблеми, особено кај постарите и хронично болните. Со климатските промени, кои предизвикуваат пораст на температурите низ светот, екстремните горештини стануваат сѐ почести, а со тоа претставуваат и поголема закана за здравјето. Човечкото тело е отпорно, но има свои граници. Значи, која е највисоката температура што човек може да ја издржи?
– Температурата на влажниот термометар не е иста со температурата на воздухот што ја гледате во временската прогноза, туку се мери со термометар завиткан во влажна крпа, земајќи ги предвид и топлината и влажноста на воздухот. Влажноста е клучна, бидејќи колку повеќе вода има во воздухот, толку потешко потта испарува и телото се лади – вели Колин Рејмонд, истражувач во лабораторијата за млазен погон на НАСА.
Но кога и влажноста и температурата се високи, овој индикатор може да достигне опасни нивоа. Кога температурата на воздухот е 46,1 Целзиусови степени и релативната влажност е 30 проценти, може да биде помалку опасно од ситуација во која температурата е 38,9 степени, а влажноста е 77 проценти. Ова претставува опасна зона за луѓето. Причината зошто луѓето не можат да ја преживеат комбинацијата на екстремна топлина и влажност е тоа што повеќе не можат да ја регулираат својата внатрешна температура. Во тој момент телото станува хипертермично, се појавуваат забрзан пулс, конфузија, делириум, чешање на кожата, несвестица и кома. Сепак, оваа температура не предизвикува смрт веднаш – потребни се околу три часа за топлината да биде фатална.
