Времето денеска ќе биде сончево со мала до умерена локална облачност и значително посвежо во однос на изминатите денови. Ќе дува слаб до умерен ветер од северен правец, а долж Повардарието повремено и засилен.
Според прогнозата на Управата за хидрометеоролошки работи (УХМР), утринските температури ќе се движат од 8 до 16 степени, додека дневните ќе достигнат од 22 до 28 степени Целзиусови, што претставува забележителен пад во споредба со претходните денови.
Во Скопје времето ќе биде променливо облачно и посвежо. Ќе дува засилен северен ветер, кој во одделни делови од котлината повремено ќе достигнува и силен интензитет. Минималната температура ќе изнесува околу 12 степени, а максималната ќе достигне до 27 степени Целзиусови.
Од УХМР најавуваат дека до четврток ќе преовладува претежно сончево и стабилно време. Исклучок ќе биде среда, кога се очекуваат нови врнежи од дожд. По посвежиот викенд, од почетокот на следната седмица се прогнозира постепен пораст на температурите.
