Ако мажот не сака да остане во врска а не може да ја напушти партнерката, секоја потенцијална нова врска е осудена на пропаст. Таквиот маж понекогаш ја завршува врската, потоа ѝ се враќа, понекогаш покажува мали знаци на внимание, потоа игра топло-ладно и тврди дека сè е поради љубовта. Но, вистината е сосема поинаква. Преболувањето на раскинувањето е тешко, но уште потешко е кога раскинувањето всушност никогаш не завршува. Кога некој ќе си замине, но не му дозволува на поранешниот партнер да го заборави, тој не му дава шанса ниту да продолжи понатаму. Можеби верувате дека тоа е тест за љубовта, но најчесто е нешто сосема друго.
Меѓу причините зошто мажите им се враќаат на своите бивши, ниту една нема никаква врска со љубовта.
1. Му треба некој да го храни неговото его: Во врската, мажот добива чувство на важност – некој го сака, се грижи за него, горд е на него. Но, кога раскинува, одеднаш е без таа потврда за неговата самодоверба. Веќе нема никој што го фали, што му обрнува внимание и ја потврдува неговата уникатност. Што прави тогаш? Се враќа. Бидејќи знае дека повторно ќе биде во центарот на вниманието, дури и ако не сака сериозна врска. Тоа го прави да се чувствува помоќно – може да има поранешна партнерка во својот живот без всушност да ѝ припаѓа.
2. Му недостасува чувството дека некому му е грижа за него: Колкупати сте слушнале приказни за бивши што одеднаш се појавуваат „само за да видат што е ново“, но носат еден куп свои проблеми со себе? Поранешната партнерка се надевала дека се враќа од љубов, додека тој всушност само барал утеха во поранешната грижа и внимание. Тоа не е љубов, тоа е утеха. Во врската тој се навикнал некој да се грижи за него, а сега, кога тоа го нема, се сетил кој може повторно да му го овозможи тоа. И знае дека неговата бивша ќе го пречека со подготвеност да му помогне.
3. Му недостасува физичка интимност: Една од најчестите причини зошто мажите се враќаат кај своите бивши партнерки е – физичката интимност. Новата девојка бара напор, освојување, време. Поранешната партнерка? Таа е веќе тука. Нема потреба да се трудите премногу, само појавете се и таа може да поверува дека тоа е знак дека сè уште се грижите за неа.
