Со отстранувањето на косовскиот премиер Рамуш Харадинај од листата на лица по кои трага Интерпол, македонските власти ја овозможиле неговата денешна посета на Скопје, јави агенцијата Танјуг.
Според пишувањето на приштинскиот весник „Бота сот“, македонските власти тоа го направиле на само ден пред посетата на Харадинај.
Косовскиот премиер денеска треба да учествува на Дигиталнуиот самит на Западен Балкан што се одржува во Скопје, а треба да оствари средби и со еврокомесарот за проширување Јоханес Хан и високата претставничка за надворешна политика на ЕУ Федерика Могерини.
