Откако студентка пропадна низ таван во читалната на Правниот факултет во Белград, оваа образовна институција се огласи, а се чини дека тоа што го кажаа не им се допадна на студентите. Една од нив смета дека факултетот се обидел да ја минимизира одговорноста, алудирајќи дека самата девојка придонела за несреќата, па објави фотографии од институцијата кои ја покажуваат, како што тврди таа, вистинската состојба.
– Во прилог испраќам слики од зградата на Правниот факултет, за да ја видите вистинската состојба, бидејќи по вчерашниот инцидент кога ногата на девојката пропадна низ таванот, од факултетот тврдеа дека таа самата придонела за тоа, што е лудо бидејќи сите студенти се сведоци на состојбата на зградата – стои во описот на фотографиите објавени на страната My_Beograd.
Како што можете да се види на фотографиите, таванот е напукнат на неколку места, а еден од прозорците е залепен, веројатно затоа што не се користи.
Овој инцидент ги поттикна студентите да се запрашаат дали треба да се случи нешто друго за некој да реагира.
– И додека не се случи нешто некому, не дај Боже, нема да се смени… – заклучува таа.
Од Правниот факултет истакнаа дека колешка сакајќи да искористи еден од пластичните штекери лоцирани на подот од галеријата на читалната на Правниот факултет, невнимателно згазнала на пластичниот штекер, по што дошло до инцидентот.
– Во таа прилика, штекерот е скршен, малку потонал во подот, а преку штекерот стапалото на колешката благо потонало во подот од галеријата од читалната. Под притисок од подот на галеријата, т.е. од таванот на читалната (гледајќи од приземје), мало парче гипс паднало врз друга колешка која во тој момент учела во читалната на приземјето – додаваат тие.
За среќа, и двете колешки по овој инцидент останале неповредени и нормално продолжиле со учењето, а освен скршен пластичен штекер на подот од галеријата од читалната, нема материјална штета, велат од факултетот.
