Украинскиот претседател Володимир Зеленски утрово рече дека малку останало од Бахмут и дека градот е речиси целосно уништен.
Запрашан дали Бахмут сè уште е под контрола на Украина, Зеленски рече: „Мислам дека не е така“.
– За денес тоа е само во нашите срца.Мора да разберете дека од Бахмут не остана ништо, уништија се – додаде Зеленски.
Русија вчера тврдеше дека ја презела целосната контрола над разурнатиот град, што го означи крајот на најдолгата и најкрвавата битка од 15-месечната војна.
„Тоа е трагедија“, рече Зеленски.
Нападот беше предводен од платеничките трупи на групата „Вагнер“, чиј водач Евгениј Пригожин претходно вчера изјави дека неговите војници конечно ги потиснале Украинците од последното изградено подрачје во градот.
Киев претходно го отфрли тоа тврдење.
