Здрава храна
Улонг-чај: Улонг-чајот, популарен во Кина, се прави од истите листови чај како црниот и зелениот чај. Како и сите вистински чаеви, улонг содржи соединение наречено ЕГЦГ, кое може да има антиканцерогени својства. Овој чај ги содржи здравствените придобивки на куркумата и потенцијалната способност за поддршка на долговечноста.
Зелен чај: Голема студија базирана на популација на јапонски мажи и жени покажа дека оние што пиеле повеќе од две шолји зелен чај дневно имале 22-33 отсто намален ризик од смрт од кардиоваскуларни болести во споредба со оние што пиеле помалку од половина шолја зелен чај дневно.
Бел чај: Иако не е толку популарен, белиот чај може да биде извор на многу важни соединенија што можат да го поддржат нашето целокупно здравје. Белите чаеви може да содржат повисоки концентрации на катехини од другите чаеви, како што е ЕГЦГ. Исто така, има антиоксидантно и антипролиферативно дејство против клетките на ракот.
Црн чај: Црните чаеви можат да ви помогнат да живеете подолг живот бидејќи го поддржуваат здравјето на срцето и ги ублажуваат потенцијалните кардиоваскуларни проблеми. Податоците покажуваат дека луѓето што редовно консумираат три или повеќе шолји црн чај дневно имаат намален ризик од срцеви заболувања и мозочен удар.
Чај од хибискус: Иако чајот од хибискус не ги содржи истите билни соединенија како вистинските чаеви, тој може да понуди уникатни придобивки благодарение на сопствените природни соединенија. Некои податоци покажуваат дека секојдневното пиење на овој чај може да помогне во намалување на крвниот притисок – што, пак, може да им помогне на луѓето да живеат поздрав живот.
