Алое вера – билка со магични својства
Освен што ја смирува кожата, алое верата е идеална во борбата против изгорениците добиени од сонцето, како и кај одредени воспаленија.Но освен што се употребува во негата на кожата, се користи и како препарат за коса. Во согласност со годишното време нашата коса е подложена на надворешни
влијанија, поради што често е сува и оштетена. Поради тоа, гелот од алое вера е одличен бидејќи го обновува влакното и ѝ го враќа сјајот на косата.
Со употребата на алое вера полесно ќе се ослободите од првутот. Се препорачува секојдневно да го користите гелот, бидејќи со неговата примена ќе се ослободите и од чешањето.
Исто така, вашето теме, благодарение на овој гел, побрзо ќе заздрави.
Истовремено, алое верата ја намалува појавата за здодевните акни, со што таа е идеален препарат и во негата на кожата. Имено, акните се јавуваат поради затворените пори, а токму со примена на гелот или пилинг маската од алое вера порите се отвораат и се редуцира појавата на акни.
Оваа билка е одлична и како препарат за вадење на шминката, бидејќи е сосема природна и не ѝ штети на кожата. Дејствува смирувачки на кожата и ѝ го враќа природниот сјај.
