Спасувачите попладнево дојдоа на растојание од еден метар од 5-годишното дете кое е петти ден заробено во бунар во северниот дел на Мароко, по деликатна и опасна операција постојано одложувана поради опасност од лизгање на камења и земја во бунарот, јави новинската агенција „Ројтерс“.
Работниците со механички копачи деноноќно се обидуваат да го спасат 5-годишното дете Рајан Аврам, откако во вторникот падна во бунар длабок 32 метри во ридовите во близина на Шефшауен.
Фотографиите на мароканските медиуми покажуваат дека Рајан е стуткан на дното на неупотребуваниот бунар, кој се стеснува кон дното, спречувајќи ги спасувачите да се спуштат.
-Се надеваме дека нема да наидеме на камења – изјави главниот спасувач Абделхади Тамрани, додека имаше уште неколку метри за копање.
Подоцна државната телевизија објави дека спасувачите биле на 90 сантиметри од Рајан и дека точно ја утврдиле неговата локација од пристапниот тунел што го копале од ровот исечен на ридот.
Тамрани рече дека е тешко да се утврди здравствената состојба на детето, бидејќи камерата што е фрлена во бунарот го покажала детето како лежи на страна, но тој додаде: „Се надеваме дека ќе го спасиме живо“.
Latest update about #Rayan
Few meters are left, and it will be dug by hand
The rescue team is facing frequent soil collapse, which prolongs the rescuing process. #SaveRayan pic.twitter.com/eLJ3a1dHm6
— Isxaaq Moallim. (@HIsxaaq) February 5, 2022
