Земјотрес со јачина од 5,7 степени според Рихтеровата скала утринава го погоди италијанскиот брег од Јадранското Море, јави ДПА.
Земјотресот е регистриран во 7.07 часот, а епицентар е во морето во близина на градот Пезаро.
Засега нема информации за било каква штета на згради или жртви и повредени.
Локалните медиуми јавија дека некои згради во областа на истокот на земјата, вклучително и болница, се евакуирани како мерка на претпазливост.
Железничкиот сообраќај беше во прекин во близина на Анкона.
