Едно лице загина, а тројца се повредени во пукотница што се случи синоќа во трговски центар во градот Ел Пасо, соопшти полицијата на Тексас.
Двајца осомничени се приведени, а властите велат дека повеќе нема опасност за јавноста.
– Рано е да се шпекулира за мотив – изјави портпаролот на полицијата во Ел Пасо, Роберт Гомез.
– Беше хаотично. Луѓето бегаа. Беа исплашени – додаде тој. Двајца од повредените наводно се во критична состојба. Полицијата претходно соопшти дека пукале во ресторанот во центарот.
На Твитер се појавија многу видеа од местото на настанот на кои се гледа како луѓето панично трчаат низ трговскиот центар, додека некои се кријат од напаѓачите внатре.
