Чеченските борци се распоредени во руската област Белгород, која граничи со Украина, за да спречат напади на украинските диверзантски групи, објави чеченскиот лидер Рамзан Кадиров, а пренесе „Ројтерс“.
Регионот Белгород објави голем број прекугранични упади на проукраинските партизански групи во изминатиот месец.
Кадиров рече дека борците од баталјонот Запад-Ахмат биле распоредени во близина на пограничното село Нехотеевка и контролен пункт во областа Граиворон, местото на прекуграничниот напад во мај.
– Жителите на териториите долж границата со Украина можат да бидат мирни. Кој и да влезе во нашите граници ќе добие брз одговор – напиша Кадиров на Телеграм.
