Авион на компанијата „Маратон еирлајнс“ (Marathon Airlines), авиокомпанија која врши летови за „Ер Србија“, слета на белградскиот аеродром „Никола Тесла“ со дупка на трупот и оштетено крило, во неделата вечерта, на 18 февруари.
Како што може да се види на фотографиите и видеата објавени на социјалните мрежи, поради истекување гориво, пожарникарите морале да го испрскаат леталото со пена, за да избегнат пожар. Во авионот имало 106 патници.
Evo kako je izgledao E-195 reg. OY-GDC kompanije Marathon airlines koji leti za ErSrbiju večeras posle prinudnog sletanja na BEG.😕 pic.twitter.com/crLJURHeDa
— Peđa Vučetić (@Pedjijatar) February 18, 2024
Во таква состојба, авионот кружел над Белград еден час пред да слета, како што е потврдено од Flightradar.24, систем за следење на авиони во реално време.
Компанијата „Ер Србија“ не соопштува детали, само кусо соопшти дека авионот на летот за Дизелдорф е вратен од технички причини, а безбедноста на патниците не била загрозена.
