На табелата по две одиграни кола, Прилеп, Гостивар, Гамбит Асеко СЕЕ и Алкалоид имаат по две победи
ШАХ – ЕКИПНО ПРВЕНСТВО НА МАКЕДОНИЈА
Продолжуваат шаховските возбудувања на 29. Екипно првенство на Македонија во шах, кое во конкуренција на осум клуба се игра во хотелот „Дрим“ во Струга, во 7 кола. Фаворитите и овој пат забележаа нови два бода, а најубедливи беа актуелниот шампион Алкалоид и Гостивар, кој од можните шест бода по табли, впишаа 5,5. Поединечно, повторно имаше неколку изненадувачки резултати, меѓу кои победата на Влатко Петковски над ИМ Славе Трајкоски и ремијата на ИМ Илир Сетај против ВМ Кирил Георгиев, на ИМ Иван Средојевиќ со ИМ Филип Панчевски и на Слободан Цветковски со ФМ Душан Стефановски.
По ова коло, четири екипи имаат по две победи, а четири се без бодови. Најмногу поени по табли (10,5) имаат Прилеп и Гостивар.
Резултати 2. коло: ПРИЛЕП – ЦЕНТАР 5-1 (ВМ Богосављевиќ – Симјановски 1-0, ВМ Миљковиќ – Велјаноски 1-0, ИМ Златановиќ – Златков 1-0), ИМ Трајкоски – Петковски 0-1, Ѓорѓиески – Манова 1-0, Дамчески – Калин 1-0). АМПАСАН – ГАМБИТ АСЕКО СЕЕ 1,5-4,5 (ИМ Сеитај – ВМ Георгиев реми, ИМ Паско – ВМ Арнаудов реми, Трајановски – ИМ Николовски 0-1, ФМ Органџиев – ФМ Ристески 0-1, Аслани – ИМ Данчевски реми, Сулејмани – ФМ Стојчевски 0-1). КУМАНОВО – АЛКАЛОИД 0.5-5,5 (Данов – ВМ Андрејкин 0-1, ИМ Куков В. – ВМ Криворучко 0-1, ИМ Средојевиќ – ИМ Панчевски реми, Крстевски – ВМ Недев 0-1, Симов – ВМ Станојоски 0-1, Тимчевски – ВМ Јаќимовиќ 0-1, сл.). КАРПОШ – ГОСТИВАР 0,5-5,5 (Главинац – ВМ Бркиќ 0-1, Петров – ВМ Шариќ 0-1, Јанков – ИМ Сарачи 0-1, Димковски – ИМ Стојановски 0-1, Анѓелкоски – ИМ Стаменков 0-1, Цветковски – ФМ Стефановски реми).
Табела по 2. коло: Прилеп 4 бода (10,5 по табли), Гостивар 4 (10,5), Гамбит Асеко СЕ 4 (9,5), Алкалоид 4 (9), Анпасан 0 (4), Центар 0 (2), Куманово 0 (1,5), Карпош 0 (1).
