Фото: Фејсбук/РФМ

Македонската ракометна репрезентација не успеа да се закити со бронзен медал на Медитеранските игри во Оран, Алжир. Попладнево избраниците на селекторот Кирил Лазаров загубија од селекцијата на Србија со 29-34.

Македонските ракометари добро го почнаа натпреварот и веќе во 15. минута имаа водство со 9-6. Следуваа минути на Србите кои најпрво го изедначија резултатот (10-10) во 22. минута, а до крајот на полувремето направија и разлика од два гола (15-13).

Како што одминуваа минутите во вториот дел, така растеше и предноста на Србите кои во 45. минута имаа плус пет (26-21), а во 50. највисоки плус седум (30-23), доволно за сигурен триумф и за 3-то место.

Во финалето кое ќе почне во 17.30 часот ќе играат Шпанија и Египет.