Животни
Одредени раси на кучиња се познати по нивната исклучителна интелигенција, поради што брзо и лесно учат команди, а тоа ги прави лесни за дресирање. Тие се вистински генијалци меѓу кучињата, а исто така се многу лојални и приврзани и прекрасни пријатели.
Пудлица: Остроумната и непоколеблива пудлица напредува во друштво на луѓе и лесно се дресира. Нивниот изглед можеби не го покажува тоа, но пудлиците се многу издржливи и се добри кучиња чувари, особено оние со стандардна големина. Можеби не сте знаеле дека специфичниот начин на потстрижување на пудлицата бил осмислен да ѝ овозможи да плива побрзо и да има доволно долго крзно за да ги заштити своите органи, бидејќи пудлицата била куче за ловење и собирање.
Германски овчар: Паметните, храбри и заштитнички настроени кучиња се најверните придружници. Тие ги учат командите само по неколку повторувања, а наредбите ги слушаат од првиот пат кога ќе им бидат дадени. Тие копнеат за учење, затоа што во тоа наоѓаат смисла и насока, што е многу важно за оваа раса. Освен што се користат за собирање животни, често се и полициски кучиња, служат и во службите за заштита и спасување, а војската дури ги тренира да скокаат со падобран.
Пуми: Непознати за многумина, оваа раса се енергични овчарски кучиња по потекло од Унгарија, кои сакаат да се галат со своите сопственици и имаат тенденција да ја изберат личноста што ја сакаат најмногу. Покрај тоа, тие се бистри, социјални и многу лесни за дресура. Како љубопитни и многу проникливи животни, тие сакаат да пробуваат нови работи. Затоа, не двоумете се да му дадете нови команди на вашето домашно милениче откако ќе ги научи основните – седни, сврти се и подај ми ја шепата! Пумите претпочитаат дресирање засновано на награди, затоа набавете грицки.
