Луѓето со крвна група 0 се посебни затоа што можат да им дадат крв на сите други групи, но сепак можат да примаат крв само од сопствената крвна група. Меѓутоа, тоа не е сè што ги прави сосема различни од другите. Според најновите медицински истражувања, утврдено е дека луѓето со оваа крвна група се во подобра здравствена состојба поради поголема отпорност.
Имено, научниците потврдија дека крвната група 0 е онаа што доминира над другите. Исто така, докажано е дека луѓето со крвна група 0 имаат помал ризик да заболат од кардиоваскуларни заболувања, како што се мозочен и срцев удар, дека имаат помалку проблеми со меморијата, но и дека имаат многу помала веројатност да заболат од одредени видови рак, како што се ракот на панкреасот и ракот на желудникот.
Поради тоа што организмот е поотпорен на болести, луѓето со крвна група 0 во просек живеат подолго. Една од досега откриените причини зошто крвната група 0 е најздрава е тоа што крвта на оваа специфична група содржи помалку молекули што предизвикуваат згрутчување на крвта, а срцевите и мозочните удари се предизвикани од згрутчување на крвта.
Дополнително, она што е добро за срцето е добро и за мозокот, така што многу фактори на ризик за кардиоваскуларни болести се исто така фактори на ризик за ментални заболувања.
Сепак, постојат некои болести на кои тие се повеќе склони. Станува збор за болести како појава на чир, дисфункција на тироидната жлезда, ниско ниво на тироидни хормони и недостиг од јод. Овие дисфункции може да предизвикаат несакани последици како вишок телесна тежина или задржување вода.
