По повод дваесет години од постоењето на детскиот литературен фестивал „Ракатки“, фестивалскиот одбор распишува конкурс на тема „Македонија – мојата татковина, мој дом“.
Право на учество на конкурсот имаат учениците од четврто до деветто одделение. Творбата треба да биде напишана на македонски стандарден јазик во поетска или во кратка прозна форма не подолга од една страница, како ворд-документ со фонт 12 (Ariel со македонска поддршка).
Учениците од другите националности може да ја достават творбата и на својот мајчин јазик, со превод на македонски стандарден јазик.
Творбата треба да ги содржи и следниве општи податоци:
а) име и презиме на ученикот,
б) одделение, училиште и место,
в) име и презиме на менторот (број на телефон за контакт),
г) фотографија (портрет) на ученикот
Документот треба да биде именуван на следниот начин: одделение, име и презиме (на пр.7-а одд., Петар Јанков).
Секое училиште може да учествува само со една творба избрана од одржаниот училиштен литературен конкурс или од литературната секција. Литературната манифестација „Ракатки“ има цел да им даде можност на поголем број талентирани ученици да го презентираат својот литературен израз. Во таa насока, пожелно е менторите да мотивираат и да поттикнат за учество и други ученици, не само оние што претходно учествувале.
Конкурсот е отворен од декември 2023 до јануари 2024 година, а периодот за испраќање на творбите е од 1.2.2024 до 10.2.2024 година, до 20 часот.
Напомена:
• Творбите што нема да ги исполнат пропишаните критериуми и кои ќе пристигнат по наведениот период за испраќање, нема да бидат земени предвид за разгледување и за вреднување.
• Торбата треба да биде испратена исклучиво од имејл- адресата на менторот, по електронски пат, на адресата: [email protected].
Во согласност со конкурсот, жирито од пристигнатите творби ќе избере 30 најдобри, со кои авторите ќе настапат на фестивалот „Ракатки“ 2024.
Одлуката на жирито ќе биде објавена во првата половина на март 2024 година, во дневниот весник „Нова Македонија“, во прилогот „Колибри“.
Завршната манифестација на републичкиот детски литературен фестивал „Ракатки 2024“ ќе се одржи на 11.5.2024 година.
ВАЖНА НАПОМЕНА: Авторот на наградената творба треба да настапи на фестивалот со интерпретација на својата литературна творба, кога ќе му биде врачена и наградата. Правото на доделување на наградата се губи ако авторот не присуствува на настанот. Фестивалскиот одбор нема обврска наградите да ги испраќа по пошта ниту, пак, наградата да ја подигне некој друг во име на авторот.
Фестивалски одбор на „Ракатки“
Кон целта
на хуманоста
и добрината
Имам желба
за свет без граници
