Со лансирањето на домашната линија и враќањето на меѓународните оператори,
секторот е подготвен за „квантен скок“
Во услови на глобално закрепнување на патувањето со крстосувачки бродови, оживеаниот кинески пазар гледа на невидени можности, кои се очекува да воведат нова златна ера за индустријата, велат експертите од оваа област.
– На крајот на 2019 година, пред пандемијата на ковид-19, Кина беше втор по големина пазар за патувања со бродови за крстосување по САД – рече Женг Веиханг, извршен потпретседател и генерален секретар на Здружението на кинеската индустрија за крстосување и јахти.
Со оглед на тоа што кинеските и мултинационалните компании за крстосување неодамна влегоа во добра кондиција за работа, според Женг, Кина е уверена дека може да се врати на нивото од 2019 година во рок од две години и да започне нов профитабилен период за индустријата, почнувајќи од 2026 година.
Заедничкото упатство издадено од десет владини агенции, вклучувајќи го и Министерството за транспорт, има цел да го зголеми кинескиот пазар за крстосувања во еден од најдинамичните во светот, со годишни патувања што се очекува да достигнат 14 милиони до 2035 година.
Во споредба со последниот „бум за патувања“ со бродови за крстосување од 2008 до 2017 година, новата златна деценија се очекува да има различни карактеристики, вклучувајќи и повеќе приспособени производи за крстосување и заеднички развој на индустрискиот синџир на секторот.
– Ќе видиме повеќе разновидни опции за патувања за крстосување, зголемен број луѓе посветени на индустријата за крстосување и поширок спектар на услуги за гости на бродови за крстосување испорачани од Кина – излезе со силна порака во јавноста Женг Веиханг, извршен потпретседател и генерален секретар на Здружението на кинеската индустрија за крстосување и јахти.
