Откако мина Меѓународниот ден на жената, важно е да се истакнат клучните чекори што ги направиле жените во светот. Покрај тоа што уделот на жените во 117-от американски Конгрес е највисок досега во историјата, сепак САД сè уште многу заостануваат во однос на бројот на жени во највисокото законодавно тело. Според податоците на Интерпарламентарната унија, уделот на жените во Претставничкиот дом изнесува 27,3 отсто (истата колективна бројка се однесува на двата дома) и со тоа САД се на 67-та позиција на светската листа на држави со најголем удел на жени во парламентот. Руанда води далеку пред другите држави на оваа листа со тоа што во нејзиниот долен дом има 61,3 отсто жени, заклучно со јануари 2021 година. Руанда беше принудена да воведе темелни промени и да го отвори општеството за жените, од кои дел вклучуваше квота со која се наложуваше 30 отсто од пратеничките места да им припаднат на жените. Куба има втор најголем удел на жените во нејзиниот законодавен дом со 53,4 отсто, додека во Федералниот национален совет на ОАЕ точно 50 отсто се жени.
