Во Пекинг отворен првиот светски саем на синџири на снабдување
Првиот светски саем на синџири на снабдување беше отворен на почетокот на неделава во Пекинг, како „Кинеска меѓународна изложба за синџири на снабдување“ (CISCE) , како и „Глобален форум за иновации и развој на синџирот на снабдување“.
Саемот е отворена платформа во функција на меѓународната деловна заедница за „зајакнување на размената и соработката во индустриите и синџирите на снабдување“! Тоа го изјави Рен Хонгбин, претседател на Кинескиот совет за промоција на меѓународната трговија (CCPIT), на свеченото отворање. Тој додаде дека настанот ќе се одржува на годишно ниво и се надева дека луѓето од земјата и од странство целосно ќе ја искористат платформата, истата таа ќе им биде од корист и со тоа во своето работење ќе постигнат уште подобри резултати.
– Некои од влијанијата со кои се соочуваме врз синџирот на снабдување всушност ја изложија кревкоста на глобалните производствени мрежи – рече Нгози Оконџо-Ивеала, генерален директор на Светската трговска организација (СТО), кој одржа говор преку видеоврска.
Претставникот на СТО додаде дека затоа треба да се зајакне интернационализацијата во глобалната трговија и синџирите на снабдување, за да можат сите алки да играат улога.
Индонезискиот претседател Џоко Видодо рече дека Индонезија го поздравува првиот CISCE и се надева дека изложбата може да помогне во изградбата на еластичен систем на синџирот на снабдување.
Петдневниот настан, насловен „Поврзување на светот за заедничка иднина“, ќе ги прикаже новите клучни технологии, производи и услуги во спротиводните, средните и низводните сектори на глобалните синџири на снабдување.
На инаугуративната изложба присуствуваа 515 странски и домашни компании и институции, кои учествуваа на изложбата на пет вида синџири на снабдување:
1. паметни возила,
2. зелено земјоделство,
3. чиста енергија,
4. дигитална технологија; и
5. здрав начин на живеење.
Сите пет вида синџири на снабдување беа придружени со изложбен простор за услуги на синџирот на снабдување.
– Изложбата ќе ги прикаже напредните технологии, производите и идните трендови во секоја алка на синџирот на снабдување вертикално, како и разновидни услуги што ги обезбедуваат претпријатијата на платформата и услуги во секторите за финансии и логистика хоризонтално – рече Џанг Шаоганг, заменик-претседател на CCPIT.
Тој додаде дека на изложбата учествуваат 53 од глобалните 500 компании и 57 од водечките 500 компании во Кина.
