Јавното претпријатие „Улици и патишта“ изминатиот месец активно работеше на санација на оштетените заштитни столбови на градските улици и булевари и со последниот месечен извештај на одговорните лица е утврдено дека бројката изнесува околу 300 оштетени заштитни столбови.
– Како дел од тековните активности на претпријатието е и одржување на сообраќајната опрема што е оштетена некогаш од дотраеност и најчесто од несовесни граѓани. ЈП „Улици и патишта“ – Скопје апелира за поголема внимателност во сообраќајот и почитување на сообраќајната опрема и сигнализација, со цел зачувување на безбедноста во сообраќајот – информираат од претпријатието.