Соединетите Американски Држави објавија дека „имаат желба“ да ги обноват блокираните преговори со Кина меѓу армиите на двете земји, изјави портпаролот на Белата куќа Џон Кирби, пренесе „Танјуг“ повикувајќи се на „Ројтерс“.
Недостатокот на контакт може да се должи на фактот дека новиот кинески министер за одбрана сè уште не е именуван, изјави Кирби.
Претходниот министер за одбрана, генералот Ли Шангфу, беше официјално разрешен од Пекинг на крајот на октомври.
Американскиот претседател Џозеф Бајден и кинескиот лидер Си Џинпинг минатиот месец на самитот во Калифорнија се договорија дека ќе се обноват контактите меѓу армиите на двете земји, бидејќи тие беа прекинати по посетата на Тајван од тогашната претседателка на Претставничкиот дом на американскиот дом Ненси Пелоси, минатата година, пренесе „Ројтерс“.
На крајот на минатиот месец, адмиралот Лиза Франчети, која е на чело на американската морнарица, зборуваше за можноста за подобрување на односите меѓу армиите на двете земји, при посетата на Бусан во Јужна Кореја, велејќи дека морнарицата на САД беше „возбудена“ поради можноста за подобрување на оперативната комуникација со кинеската армија.
Војските на САД и Кина имаа бројни несогласувања во текот на изминатата година – пишува „Ројтерс“.
