Од полноќ поскапуваат горивата. Новите цени ќе бидат поскапи од два до два и пол денари, одлучи денеска Регулаторната комисија за енергетика.
Еуросупер БС-95 поскапува за два денари, а малопродажните цени на ЕУРОСУПЕР БС-98 и на дизелот се зголемуваат за 2,50 денари за литар. Се зголемува и малопродажната цена на мазутот за 0,846 денари за килограм кој сега ќе се продава по цена од 50,814 денари за килограм.
Единствено се намалува цената на Екстра лесното масло за домаќинство за 0,50 денари за литар.
Согласно оваа одлука, новата цена на ЕУРОСУПЕР БС -95 ќе биде 87 денари за литар, ЕУРОСУПЕР БС 98 ќе с епродава по цена од 89 денари за литар, а дизелот по цена од 92 денари за литар. Новата цена на Екстра лесно масло за домаќинство ќе биде 93,50 денари за литар.
Новите цени се зголемени во просек за 1,84% во однос на одлуката од минатиот понеделник.
Владата во саботата на вонредна седница донесе одлука до 1 јуни да продолжат мерките за ублажување на последиците од кризата на Блискиот Исток.
