Проф. д-р Димитар Гелев е избран за нов декан на Правниот факултет „Јустинијан Први“ при Универзитетот „Св. Кирил и Методиј“ во Скопје.
Одлуката за неговиот избор е донесена денеска на седница на Наставно-научниот совет на факултетот, кој му го довери раководењето со институцијата во наредниот мандатен период.
Гелев е долгогодишен член на академскиот кадар на Правниот факултет „Јустинијан Први“, со богато наставно и научно искуство и долгогодишен придонес во развојот на факултетот.
Со изборот на новиот декан е заокружена постапката за именување на раководител на оваа високообразовна институција, која е меѓу најстарите и најзначајните факултети во состав на Универзитетот „Св. Кирил и Методиј“ во Скопје.
